Ամենայն Հայոց Կաթողիկոսը Մայր Աթոռ Սուրբ Էջմիածնի միաբանների ուղեկցությամբ այցելեց Սարդարապատի հուշահամալիր
28.05.2020
Մայիսի 28-ին Հանրապետության օրվա առիթով Ն․Ս․Օ․Տ․Տ․ Գարեգին Բ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնի միաբաններ Տ․ Մուշեղ եպիսկոպոս Բաբայանի և Տ․ Հովնան եպիսկոպոս Հակոբյանի ուղեկցությամբ այցելեց Սարդարապատի հուշահամալիր։
Վեհափառ Հայրապետը Հայաստանի Հանրապետության նախագահ Արմեն Սարգսյանի, վարչապետ Նիկոլ Փաշինյանի, Ազգային ժողովի նախագահ Արարատ Միրզոյանի և Արցախի Հանրապետության նախագահ Արայիկ Հարությունյանի հետ միասին հարգանքի տուրք է մատուցել մայիսյան հերոսամարտերում զոհվածների անմար հիշատակին, աղոթք արել նրանց հոգիների հանգստության համար։
