Ս․ Տրդատ արքայի բաց խորանը կառուցվել է 2001 թ. (բարերաներ Լուիզ Մանուկյան Սիմոն և Սենիկ Գևորգյան, ճարտարապետներ Ջիմ Թորոսյան, Ռոմեո Ջուլհակյան)` ի նշանավորումն Հայաստանում քրիստոնեության պետական կրոն հռչակման 1700-ամյա հոբելյանի:
Ընդարձակ այս տարածքում աշխարհի տարբեր ծայրերից եկած հազարավոր հավատացյալներ կարող են ականատես լինել այնպիսի եկեղեցական տոնակատարություններին, ինչպիսիք են` Ս. Աստվածածնի Վերափոխման տոնը կամ հոգևորականների ձեռնադրության արարողությունները, մշակների օրհնության կարգը, Մյուռոնօրհնեքը և այլ արարողություններ: Խորանը կառուցված է ժամանակակից ոճով, որը համապատասխանում է գլխավոր դարպասի ոճին, որը նույնպես կառուցվել է 2001 թ.: