Գևորգյան ճեմարանի 140-ամյակին նվիրված հուշակոթողի առանցքով բարձրացող կաթողիկոսական գավազանը և 10 զարդանախշ վարդյակները խորհրդանշում են Ճեմարանի կայացմանը նպաստած հայոց կաթողիկոսներին: Կոթողն ամբողջացած է Ս. Սահակ Պարթևի և Ս. Մեսրոպ Մաշտոցի հարթաքանդակներով: Բացումը տեղի է ունեցել 2014 թ. նոյեմբերի 8-ին: Մեկենասն է Հրաչյա Պողոսյանը, իսկ քանդակագործները՝ Արտակ Համբարձումյանն ու Իսահակ Ապրեսյանը: