Սարկավագաց կացարանի երկհարկանի (բակի կողմից միահարկ) կառույցի առաջին հարկը նոր սեղանատան կառուցումից հետո վերածվել է Ռուբեն Սևակի անվան թանգարանի թանգարանի:
2012 թ. առաջին հարկում ծավալված շինարարական վերանորոգչական աշխատանքներն ավարտվեցին 2013 թ. (թանգարանի վերակառուցման նախագծի հեղինակ՝ Մ. Մովսեսյան): Այստեղ ցուցադրված են բացառիկ և արժեքավոր շուրջ 200 կտավներ, ինչպես նաև` նահատակ բանաստեղծ, արձակագիր և բժիշկ Ռուբեն Սևակին պատկանող ածխանկարներ, անձնական իրեր ու փաստաթղթեր, պատմական ցուցանմուշներ և հայ արվեստի արժեքավոր գործեր: Թանգարանի ցուցանմուշների տրամադրումն ու վերանորոգման ծախսերը հոգացել է Հովհաննես Չիլինկիրյանը: Բացումը տեղի է ունեցել 2013 թ. սեպտեմբերի 10-ին:
