Վաղարշապատի քաղաքային մարզադաշտը նախատեսված է ֆուտբոլային խաղերի համար: Գտնվում է Մայր Աթոռի հարավային տարածքում: Կառուցվել ու բացվել է 1973 թ.: Մարզադաշտը տեղավորում է 3000 հանդիսական: Մինչև 2005 թ. այն եղել է «Վաղարշապատ» ֆուտբոլային ակումբի տնային խաղերի անցկացման վայր: Մարզադաշտը հանձնվել է Մայր Աթոռին՝ Հայաստանի Հանրապետության կառավարության 2005 թ. որոշմամբ: Այժմ անբարեկարգ վիճակում է: Ապագայում նախատեսվում է այն վերանորոգել և բարեկարգել: