1991 թ. հետո Գևորգյան հոգևոր ճեմարանի սաների թվաքանակի աճով պայմանավորված՝ երջանկահիշատակ Գարեգին Ա Հայրապետը նախաձեռնեց ճեմարանականների համար նոր ննջարանային մասնաշենքի կառուցումը:
1997 թ. հոկտեմբերի 4-ին, Մայր Աթոռում տեղի ունեցավ Ճեմարանի սաների համար կառուցվող նոր կացարանի հիմնօրհնեքը, որի Ճարտարապետ է Արծրուն Գալիկյանը: Եռահարկ այս կացարանը նախատեսված է շուրջ 120 ուսանողի համար: Սենյակների թիվը հասնում է 60-ի: Յուրաքանչյուր մուտքում առկա է երկու սենյակ: Ննջարանային մասնաշենքը շահագործման է հանձնվել 2000 թ.: 2006-2007 թթ. մասնակի վերանորոգվել է (հատկապես սանհանգույցները): Ուսանողների կենցաղը բարելավելու նպատակով՝ 2013 թ. կազմվել է հանրակացարանի շենքի հիմնական վերանորոգման նախագիծը:
