Կառուցվել է 1896 թ.՝ Մկրտիչ Ա Խրիմյան Հայրապետի օրոք: Տեղադրված է Վեհարանի բակի հարավարևմտյան անկյունում: Ցուցադրության համար անհրաժեշտ պայմաններ չունենալով՝ կարճ ժամանակ ծառայեց իր նպատակին. խորհրդային տարիներին այն բռնագրավվեց և միայն 1957 թ. վերադարձվեց Մայր Աթոռին:
Երկար տարիներ օգտագործվել է որպես տնտեսական իրերի պահեստ, որի համար երբեմն կոչվել է նաև «Խրիմյան պահեստ»:
Գարեգին Բ Հայրապետի օրոք հիմնովին վերանորոգվել և կահավորվել է (իրականացվել են շենքի ջեռուցման, օդափոխության և հովացման համակարգերի տեղադրման աշխատանքներ), ծառայում Է (2007-2008 թթ.) որպես թանգարան: Վերանորոգումն իրականացվել է Սարգիս և Հռութ Բեդևյանների բարերությամբ: Այժմ այն վերանվանվել է «Խրիմյան թանգարան», և առաջիկայում այստեղ են հանգրվանելու աշխարհահռչակ հայ նկարիչ Արշիլ Գորկու կտավները, որոնք կտակվել են Մայր Աթոռին: