Մայրավանքի պատմական մառան-ամբար կամ սեղանատուն կոչվող այս կառույցը Սիմեոն Երևանցու օրոք կառուցված պարսպի մաս է կազմել, որն ըստ վիմագիր արձանագրության՝ կառուցվել է 1766 թ.` Ոսկանի որդի Հովսեփը՝ ի հիշատակ իր ընտանիքի: Ի դեպ, շենքից քիչ հեռու պահպանվել է նշյալ պարսպից մի հատված և բուրգերից մեկը: 19-րդ և 20-րդ դարերի գրականության մեջ կառույցը հայտնի է եղել ,Մառան (Շիրախանա)ե անունով: Շենքը գտնվում է տպարանի հարավարևելյան կողմում: Խորհրդային տարիներին օգտագործվել է որպես հուշանվերների և արտարժույթով վաճառվող ապրանքների խանութ: 2012 թվականից շենքը վերածվել է հասարակական սեղանատան՝ «Ագապե» անունով: