Քահանայից պատրաստման լսարանը (այսու՝ ՔՊԼ) հիմնադրվել է 2002թ․ Ն.Ս.Օ.Տ.Տ. Գարեգին Բ Ամենայն Հայոց Կաթողիկոսի նախաձեռնությամբ: Կրթական այս հաստատության առաքելությունն է պատրաստել հոգևորականներ այն երիտասարդներից, ովքեր տարիներ շարունակ իրենց սպասավորությունն են բերել Հայ Եկեղեցում, ունեն բարձրագույն կրթություն, սակայն չեն ուսանել Գևորգյան ճեմարանում:
ՔՊԼ-ն սկզբնական շրջանում՝ 2002-2005 թթ., գործել է Երևան քաղաքում: Ուսումն եղել է գիշերօթիկ, երկամյա տևողությամբ: Քսան շրջանավարտներից գրեթե բոլորն այժմ իրենց ծառայությունն են բերում Հայ Առաքելական Եկեղեցու տարբեր թեմերում:
Քահանայից պատրաստման լսարանը վերաբացվել է 2011 թ., և գործում է առայսօր. ուսումը գիշերօթիկ է, եռամյա տևողությամբ: Հաստատությունն այժմ գործում է Գևորգյան հոգևոր ճեմարանում՝ տեուսչի անմիջական ղեկավարությամբ: Սաներին դասավանդում են Մայր Աթոռի միաբանները և ԳՀՃ դասախոսները: Նրանք մասնակցում են Մայրավանքում կատարվող ամենօրյա ժամերգություններին և կիրակնօրյա Պատարագներին: Ննջարանային մասնաշենքը գտնվում է Մայր Աթոռից մոտ 1 կմ հեռավորության վրա Կարճիկյան 1 հասցեում:
ՔՊԼ-ի վերաբացումից հետո հաստատությունն ունեցել է 50 շրջանավարտ, որոնցից երկուսը՝ աբեղա, տասը՝ քահանա և քառասունը՝ սարկավագ:
Տեսուչներ՝ Տ․ Եզնիկ Արք. Պետրոսյան - 2002-2005 թթ․,
Տ․ Իսահակ վրդ. Պողոսյան - 2011-2012 թթ․
Տ․ Ներսեհ վրդ. Խալաթյան - 2012-2021թթ․,
Տ․Մինաս աբեղա Հախվերդյան - 2021- 2023 թթ․,
Տ. Շահե ծ. վրդ. Անանյան - 2023 թ․։
ՔՊԼ ընդունվել կարող են մինչև 45 տարեկան, ամուսնացած կամ ամուրի, բարձրագույն կրթություն ունեցող այն անձինք, որոնք զավակն են Հայաստանյայց Առաքելական Սուրբ Եկեղեցու:
Ընդունելության համար դիմորդները մասնակցում են հարցազրույցի հետևյալ նյութերի շուրջ.
Սուրբ Գրքի իմացություն,
Հայ Եկեղեցու պատմություն,
Հայ ժողովրդի պատմություն,
Հայ գրականություն,
Եկեղեցական փորձառություն,
Ինքնաարտահայտվելու կարողություն:
Ուսման ընթացքում սաներին հատկացվում է կրթաթոշակ: Դիմումի հայտաթերթիկը լրացնելու համար անհրաժեշտ է այցելել Գևորգյան հոգևոր ճեմարանի քարտուղարություն:
Անհրաժեշտ փաստաթղթերն են՝
- Դիմում ճեմարանի տեսուչի անունով (լրացվում է տեղում),
- Զինվորական դրության մասին փաստաթուղթ (բնօրինակը),
- Կնոջ համաձայնությունը (ամուսնացյալի դեպքում),
- Տեղեկանք թեմի առաջնորդից կամ շրջանի հովվից,
- Բարձրագույն կրթությունը հաստատող վկայական (բնօրինակը),
- Բժշկական վավերացման տեղեկանք,
- Տեղեկանք բնակավայրից,
- Մկրտության վկայական,
- Ինքնակենսագրություն,
- Անձնագրի պատճեն,
- 2 լուսանկար (3x 4):
Փաստաթղթերն անձամբ ներկայացնել Գևորգյան հոգևոր ճեմարանի քարտուղարություն:
Մանրամասների համար կարող եք դիմել Գևորգյան հոգևոր ճեմարանի քարտուղարություն:
Հասցե՝ Մայր Աթոռ Սբ. Էջմիածին, Գևորգյան հոգևոր ճեմարան։
Հեռախոս՝ (+374 10) 517-180, կամ գրել նշված հասցեներով՝
էլ. հասցե՝ [email protected]
Ֆեյսբուքյան էջ` www.facebook.com