Ս. Հովհաննես առաքյալն արժանացել է Քրիստոսի մասնավոր սիրուն` կոչվելով «սիրելի աշակերտ»: Հիսուսի ձերբակալման գիշերը նա հավատարմորեն հետևեց իր Վարդապետի չարչարանքներին` ուղեկցելով նրան մինչև Գողգոթա, որտեղ Հիսուս Քրիստոս Իր Մորը հանձնում է Հովհաննեսին` «Սա է քո մայրը», իսկ Մորն ասում է. «Սա է քո որդին»: Հովհաննեսն էր, որ երբ կիրակի առավոտյան լսեց Հիսուսի հարության լուրը, Պետրոսի հետ շտապեց գերեզման և հավատաց Քրիստոսի հարությանը` առանց Հարուցյալին տեսնելու: Մահացել է շուրջ 100 թ. Եփեսոսում 95 տարեկան հասակում: Գրել է 4-րդ Ավետարանը: Նրան են վերագրվում իր անունով 3 ընդհանրական նամակներն ու «Հայտնությունը»: