Աստվածածնի ծնողները՝ Հովակիմը և Աննան, մինչև ծերություն զավակ չունեին և միշտ աղոթում ու խնդրում էին Աստծուն, որ իրենց զավակ պարգևի։ Նրանց աղաչանքները լսելի են լինում, և Աստված նրանց մի դուստր է պարգևում, որին կոչում են Մարիամ։ Աստվածածնի հղության մասին տեղեկություններ քաղում ենք Հակոբոսի նախաավետարանից և Մատթեոսի պարականոն ավետարանից։ Եկեղեցին Երրորդ Տիեզերական ժողովից հետո (Եփեսոս, 431 թ.) օգտագործեց պարականոն երկերի պատմությունները Աստվածածնի կյանքի մասին ու հաստատեց տարբեր տոներ նրա հիշատակին: