2020թ. նոյեմբերին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի տնօրինությամբ Մայր Աթոռ Սուրբ Էջմիածնում հիմնվեց Արցախի հոգևոր-մշակութային ժառանգության հարցերով գրասենյակը: Գրասենյակի տնօրենն է Հոգեշնորհ Տ. Գարեգին վարդապետ Համբարձումյանը:
Բաժնի նպատակն է միջազգային հանրությանը, հասարակական տարբեր կազմակերպություններին համապարփակ տեղեկատվություն փոխանցել Արցախի հոգևոր-մշակութային ժառանգության վերաբերյալ: Այս առիթով գրասենյակը իրականացնում է կարճաժամկետ և երկարաժամկետ գործունեություն:
Գրասենյակի նպատակն է հոգևոր մշակութային հուշարձանների վերաբերյալ իրականացնել ուսումնասիրություններ, պատրաստել վերջիններիս մասին օտարալեզու հրատարակություններ և նպաստել տեղեկատվական սույն նյութի լայն տարածմանը տարբեր երկրների գիտական և կրթական հաստատություններում, հուշարձանների պահպանությամբ զբաղվող միջազգային կառույցներում, Հայաստանի և արտերկրի հայագետների ներգրավմամբ իրականացնել արդեն իսկ առկա գրականության թարգմանում օտար լեզուներով և դրանց տարածում քաղաքական ուսումնասիրություններ կատարող հայտնի միջազգային հետազոտական կենտրոններում:
Գրասենյակը կապեր է հաստատել հուշարձանների պատմությամբ զբաղվող միջազգային կառույցների և պետական պատկան մարմինների, ինչպես նաև միջեկեղեցական կառույցների և օտար եկեղեցիների հետ՝ նրանց ուշադրությունը հրավիրելով Արցախի հուշարձանների պահպանության առաքելության վրա:
Այս ամենին զուգահեռ, գրասենյակն ակտիվ գործունեություն է ծավալում առցանց հարթակում՝ տարածելով Արցախի հուշաձանների վերաբերյալ օտարալեզու տեղեկատվություն:
Հեռ. (374-10) 517-287
Էլ. փոստ. – [email protected]