Սոցիալապես անապահով ընտանիքների երեխաներին ժամանակավոր խնամք տրամադրելու նպատակով Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի տնօրինությամբ 2018 թ․ մայիսի 7-ին որոշում է կայացվել Հայ Առաքելական Սուրբ Եկեղեցու կազմում ստեղծել «Քյուրքչյան» երեխաների աջակցության կենտրոն։
Կենտրոնը հիմադրվել և տեղակայվել է Սբ. Գայանե վանքի շրջակայքում 2018 թ. հունիս 1-ին։
Հիմնադրման օրվանից կենտրոնի խնամքի ներքո գտնվել է 34 երեխա։ Այս պահին խնամք են ստանում 6-16 տարեկան 15 երեխաներ։
Կենտրոնի առաքելությունն է թեթևացնել երեխաների սոցիալական, հոգեբանական խնդիրները, նրանց մեջ կերտել հայ մարդու ազգային, բարոյական ճշմարիտ կերպարը, ապահովել համակողմանի կրթություն։
«Քյուրքչյան» երեխաների աջակցության կենտրոնն իրականացնում է շահառու երեխաների և նրանց ընտանիքների կարիքների նախնական և ընթացիկ գնահատում և դրանց բավարարում: Աջակցում և ստեղծում դրական հարաբերություններ երեխաների և նրանց ընտանիքների միջև:
Կենտրոնը սաներին աջակցում է կրթություն ստանալու հարցում, պատշաճ իրականացնում նրանց խնամքն ու դաստիարակությունը, բացահայտում նախասիրությունները, ներգրավում համապատասխան խմբակներում, տրամադրում ֆինանսական աջակցություն` անհրաժեշտ կրթական, մշակութային կամ արհեստագործական դասընթացներ ապահովելու համար:
Կենտրոնն ապահովում է երեխաների անվտանգությունը, տրամադրում բժշկական օգնություն:
Հոգևոր Տեսուչ` Տ. Արսեն քհն. Միրզոյան
Հասցե` ք. Էջմիածին, Սբ. Գայանե վանք
Հեռախոս։ +(374)99890615