2020թ. հունվարի 1-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի բարձր տնօրինությամբ Մայր Աթոռում ստեղծվել է Քարոզչական կենտրոն, որի տնօրեն է նշանակվել Հոգեշնորհ Տ. Գարեգին վրդ. Համբարձումյանը:
Քարոզչական բաժնի գործունեության առանցքում ընկած է մեր Տեր Հիսուս Քրիստոսի կենարար խոսքի և Հայաստանյայց Առաքելական Սուրբ Եկեղեցու սրբազան ավանդության ուսուցանումն ու տարածումը: Քարոզչական կենտրոնի առաքելությունը միտված է նպաստելու Մայր Աթոռի և թեմերի հոգևոր քարոզչական գործունեության առավել ակտիվացմանը:
Քարոզչական կենտրոնի ջանքերով Հայ Եկեղեցու թեմերի, եկեղեցապատկան, պետական ու հասարակական կառույցների հետ համատեղ կատարվում է մշտադիտարկում՝ հավաքագրելու տեղեկատվական բազա Հայ Առաքելական Սուրբ Եկեղեցու քարոզչական առաքելությունը առավել արդյունավետ կերպով իրականացնելու համար:
Կենտրոնը հոգևորականների հովվական ծառայությանը օժանդակելու նպատակով պատրաստել է քարոզչական մեթոդական ձեռնարկներ և օժանդակ նյութեր:
Քարոզչական կենտրոնը իրագործում է տարաբնույթ քարոզչական ծրագրեր, որոնցից հիմնականն են ՝
1. Հանրամատչելի հրատարակությունների իրականացում
2. Քարոզչական գործունեություն թեմերի հեռավոր այն գյուղերում և համայնքներում, որտեղ հոգևորականները կարիք ունեն օժանդակության:
3. Հստակեցնում է, թե հատկապես, որ համայնքներն են, որոնք անհրաժեշտություն ունեն հոգևոր ծառայության օժանդակության: Ենթադրվում են քարոզչական այցեր Կենտրոնի ներքո գործող անձանց կողմից, ինչպես նաև զանազան հոգևոր ծրագրերի իրականացում համայնքներում՝ նպատակ ունենալով զորացնել հոգևոր կյանքը:
4. Պարբերաբար կազմակերպվում են ժամերգություններ և հիվանդաց աղոթքներ հիվանդանոցներին կից գործող մատուռներում:
5. Քարոզչական այցեր զանազան թեմեր ու փորձնական ծրագրերի իրականացում:
6. Հոգևոր հետազոտական աշխատանքի իրականացում և այլն:
Քարոզչական կենտրոնի գործունության հիմքում ընկած է Սուրբ Գրքի ուսուցումն ու Հայ Եկեղեցու սրբազան վարդապետության փոխանցումը:
Հեռ. (+374)10-517-287
Էլ. փոստ. – [email protected]