Ամենայն Հայոց Կաթողիկոսի օրհնությամբ 2001թ.-ին քրիստոնեությունը Հայաստանում պետական կրոն հռչակելու 1700-ամյակի շրջանակներում հիմնադրվեց Հայ Եկեղեցու Համաշխարհային Երիտասարդական Միավորումը ( այսու՝ ՀԵՀԵՄ), որի առաջնորդ նշանակվեց ԱՄՆ Արևմտյան թեմի առաջնորդ Գերաշնորհ Տեր Հովնան արքեպիսկոպոս Տերտերյանը:
ՀԵՀԵՄ-ը սկզբնական շրջանում կոչվել է Հայ Եկեղեցու Համաշխարհային Երիտասարդաց Կազմակերպություն (ՀԵՀԵԿ), իսկ 2015 թվականից այն վերանվանվել է Հայ Եկեղեցու Համաշխարհային Երիտասարդական Միավորում (ՀԵՀԵՄ):
2018 թվականին Ամենայն Հայոց Կաթողիկոսի օրհնությամբ ՀԵՀԵՄ Կենտրոնական գրասենյակը տեղակայվեց «Հովնանյան» հիմնադրամի կողմից կառուցված Երևանի Սուրբ Աննա և Կաթողիկե Ս․ Աստվածածին եկեղեցիների վարչական տարածքում:
ՀԵՀԵՄ-ի առաքելությունն է` համախմբել աշխարհասփյուռ հայ երիտասարդությանը՝ ի հարատևություն հայ ինքնության և ի զորացումն Հայոց Հայրենիքի, կազմակերպել հայ երիտասարդության ներուժի գործածումը՝ ազգային ու հոգևոր արժեքների պահպանության նվիրական գործում:
ՀԵՀԵՄ-ը Հայաստանի, Արցախի և Սփյուռքի երիտասարդների մասնակցությամբ համագործակցում է հասարակական ու պետական պատկան հաստատությունների, երիտասարդական կազմակերպությունների, համալսարանական և ուսանողական կառույցների, կրթական, մշակութային, բարեսիրական և մարդասիրական նպատակներ ունեցող այլ կենտրոնների, ՀՀ կուսակցությունների երիտասարդական թևերի հետ:Կազմակերպվում են ուխտագնացություններ, հոգևոր միջոցառումներ, սեմինարներ և հանդիսություններ ազգային-եկեղեցական տոների առթիվ:
2008 թվականից առ այսօր աշխարհի տարբեր երկրներում տեղի են ունեցել մի շարք պատգամավորական, տարածաշրջանային, միջտարածաշրջանային և ենթատարածաշրջանային ժողովներ, իսկ 2019 թ․ նոյեմբերի 3-5 Երևանյան Կենտրոնական գրասենյակում տեղի ունեցավ Ատենապետաց Ա ժողովը։
ՀԵՀԵՄ կառուցվածքը
Ա. Կենտրոնական գրասենյակ (Մայր Աթոռ Սուրբ Էջմիածին — Երևան, Աբովյան 15/1),
Բ. 8 Տարածաշրջաններ (Հայաստան-Վրաստան-Արցախ, Ռուսաստան և ԱՊՀ երկրներ, Եվրոպա, Հարավային Ամերիկա, Հյուսիսային Ամերիկա, Մերձավոր Արևելք և Աֆրիկա, Հնդկաստան և Մյանմար, Ծայրագույն Արևելք (Ավստրալիա և Նոր Զելանդիա):
ՀԵՀԵՄ հոգևոր տեսուչ, Կենտրոնական գրասենյակի տնօրեն` Թովմա վարդապետ Խաչատրյան
Կոնտակտային տվյալներ
+374 43 85 1700
+374 43 71 1700
www.hehem.am
[email protected]
[email protected]
ք. Երևան, Աբովյան, 15/1
Աշխատանքային ժամերը:
09:00 - 18:00