«Լուսարարապետ», «լուսարարապետություն» բառի հիմքում լույսն է։ Մեզ հայտնի առաջին լուսարարապետը V դ. պատմիչ Ղազար Փարպեցին է: Լուսարարապետը հանդիսանում է Մայր Աթոռ Սուրբ Էջմիածնի միաբանության հոգևոր հայրն ու պատասխանատուն:
Մայր Աթոռ Սուրբ Էջմիածնի Լուսարարապետությունը Մայրավանքի ծիսաարարողակարգային կյանքը կազմակերպող կառույցն է, որը գործում է Մայր Աթոռի հիմնման առաջին իսկ պահից: Լուսարարապետության պարտականությունն է հսկել եկեղեցու ներքին բարեզարդությունը, նախապատրաստել և իրականացնել Մայրավանքում տեղի ունեցող ծիսական արարողությունները, ապահովել եկեղեցու մաքրությունն ու լուսավորությանը: Լուսարարապետությունն է կազմակերպում ոչ միայն շաբաթական ծեսերը, Ս. Պատարագները, այլև եկեղեցու համար կարևորագույն արարողակարգերը, ինչպիսին են մյուռոնօրհնեքը, ձեռնադրությունները և այլն: Լուսարարներն են պատասխանատու նաև Մայրավանքի սպասքի և զգեստների համար:
Ներկայումս Մայր Տաճարի հիմնանորոգությամբ պայմանավորված, Մայր Աթոռ Սուրբ Էջմիածնի միաբանությունը հոգևոր արարողություններին մասնակցում են կամ Սուրբ Վարդան, Սուրբ Հովհաննես Մկրտիչ մատուռ-մկրտարանում կամ Սրբոց Հրեշտակապետաց մատուռում, իսկ Սուրբ և Անմահ Պատարագներին՝ Սուրբ Գայանե վանքում:
Մայր Աթոռում գտնվող Սուրբ Վարդան, Սուրբ Հովհաննես Մկրտիչ մատուռ-մկրտարանում Լուսարարապետության կողմից կազմակերպվում են մկրտության արարողություններ, և մկրտվողներին տրվում մկրտության վկայականներ:
Լուսարարապետ՝ Տեր Մուշեղ եպիսկոպոս Բաբայան
Հեռ. (010)517-191
Էլ․ հասցե՝ [email protected]
Ֆեյսբուքյան էջ՝ Etchmiadzin Cathedral-Լուսարարապետություն
__________
Մայր Աթոռի Լուսարարապետերը՝ ըստ «Վաչէ Եւ Թամար Մանուկեան» Մատենադարանում առկա օրացույցերի
1. 1912- Լուսարարապետ՝ Ղևոնդ եպիսկոպոս
2. 1935-1936- Լուսարարապետ՝ Տեր Գևորգ արքեպիսկոպոս Չորեքչյան
3. 1959-1965- Լուսարարապետ՝՝ Տեր Սահակ արքեպիսկոպոս Տեր-Հովհաննիսյան
4. 1971-1972- Ավագ լուսարարներ՝ ա. Տեր Մամբրե վարդապետ Մարգարյան
բ. Տեր Գևորգ վարդապետ Սերայտարյան
5. 1972-2002- Լուսարարապետ՝ Տեր Հուսիկ եպիսկոպոս Սանթուրյան
6. 2002-2007- Լուսարարապետի պաշտոնակատար՝ Տեր Արտակ վարդապետ Տիգրանյան
7. 2008- Լուսարարապետի պաշտոնակատար՝ Տեր Գաբրիել վարդապետ Սարգսյան
8. 2008-2010- Լուսարարապետ՝ Տեր Արարատ եպիսկոպոս Գալթակճյան
9. 2011-2020- Լուսարարապետ՝ Տեր Հովնան եպիսկոպոս Հակոբյան
10. 2021- Լուսարարապետ՝ Տեր Մուշեղ եպիսկոպոս Բաբայան