Եպիսկոպոսաց ժողովը քրիստոնեական հնագույն մարմինն է, որի արմատները ձգվում են մինչև առաքելական շրջան: Շուրջ 5 դար ընդմիջումից հետո 2013 և 2014 թթ.-ին Մայր Աթոռ Սուրբ Էջմիածնում գումարվել է Եպիսկոպոսաց ժողով (ասյուհետ՝ ԵԺ), որը հաստատել է 1915 թ․-ին Թուրքիայի կողմից ցեղասպանված հայերի Սրբադասման կանոնը և քննարկել Սուրբ Մկրտության խորհրդի միանման արարողակարգի նոր կանոնը:
ԵԺ-ն Հայաստանյայց Առաքելական Սուրբ Եկեղեցու նվիրապետական աթոռների եպիսկոպոսաց դասի համախմբումն է:
ԵԺ իրավասության սահմանները հետևյալններն են.
ա. Դավանաբանական հարցերի սահմանում,
բ. Ծիսական բարեփոխությունների և նոր ծեսերի հաստատում,
գ. Եկեղեցական-կրոնական կյանքի խնդիրներին առնչվող բարեփոխությունների և նոր օրենքների հաստատում,
դ. Միջեկեղեցական երկխոսություների արդյունքների հաստատում,
ե. Միջեկեղեցական և միջկրոնական հարցերի քննարկում,
զ. Ազգային Եկեղեցական Ժողովի կողմից հանձնարարված և լիազորված հարցեր:
ԵԺ կազմավորվում է Հայ Եկեղեցու բոլոր եպիսկոպոսներից. նախագահն է Ամենայն Հայոց Կաթողիկոսը:
ԵԺ իր կազմից ընտրում է ժողովները վարող Դիվան:
2012 թ․-ից մինչ օրս գործում են ԵԺ-ի կողմից ձևավորված Սրբադասման և Սուրբ Մկրտության կանոնի վերամշակման հանձնախմբեր: